6 ابريل
يوم عرفنا من هو محب للوطن ومن خان
يوم اثبت الشعب انه قادر علي الصمود
يوم اثبتت المحله انها انجبت رجال
النهارده كان الاضراب زي ما عارفين مش هتكلم كتير غير ان الساعه 11 بليل تقريبا اتحول علي مستشفي الطوارئ في المنصوره عدد من المصابين اصابات سيئه بس كلهم طلعوا مع المخبرين والضباط ما عدا شخص واحد بيتم عمل له جراحه عاجله في القلب وده مكنش معتصم كان راجع من شغله عادي
المهم في عدد كبير حوالي 11 في الطريق واتحولوا العام مش هيدخلوا الطوارئ
في عدد تاني المؤكد لحد الوقتي ان 4 فقدوا عين من اعينهم اثر رصاص وشضايا الانفجار علي حسب قول الشهود
الفئه العمريه للمصابين تتراوح من 14 سنه حتي 30 سنه
اعتذر عن ردائه التصوير ولكن التصوير بالموبايل وكان في ظابط مخابرات جنبنا علي طول وبتوع امن الدوله وامن مركزي كانت مردغانه
بس الي قدرت اوصل ليهم حالتين
اصابات رصاص مطاطي
محمد فؤاد محمد
اصابه في العين و3 رصاصات في الدراع الشمال وخرجوه فورا بدون نزع الرصاصه الثالثه علشان جنب الوريد
السيد محمد الحبشي
رصاصه في قاع العين مش هتتشال هتفضل مكانها وعينيه طارت وخرجوه مع واح
الاهم ان الرصاص بمجرد خروجه من اجسامهم كان بيتصادر ومش بيطلع بيه محضر او بيطلع اي حاجه تثبت ان الشخص مصاب برصاص
دي صوره الراجل بتاع المخابرات وامن الدوله مع اتنين ظباط عاديين ومدير المستشفي في استقبال الطوارئ منعا لدخول اي حد او خروجه بمعلومات
اهم حاجه ان محدش كان بيقعد كلوا بيخرج من الاستقبال ما عدا حاله واحده بس وللصدف الحاله دي تبقي قريبه صديق لي قابلته في المستشفي هو مصور حاجات وهيشنرها معانا اول ما الموضوع بتاع عمليه قريبه يخلص فانتظرونا
هذا التقرير مفتوح لكل من يحب اقتباسه
انشروا قذارتهم
انشروا قتلهم لشبابهم
انشروا انشروا انشروا
فلقد صنعت الحكومه اليوم حركه جديده وهي حركه شهداء 6 أبريل
من مستشفي الطوارئ بالمنصوره
معتز عادل
حسبنا الله ونعم الوكيل