Sunday, September 28, 2008
انا والمخابرات والعادلي والسياح والحرايق
اكتب اليوم علي استعجال وفي تدوينة لم اكن مخططا لها
ان تخرج بهذه الصورة فحقيقة اني كنت انوي ان اكتب تفاصيل يوم قضيته في مبني المخابرات
الا ان هناك العديد من المفارقات التي تدعوني لان اسخر من عملية التحقيق التي جرت معي وساقولها بالتفصيل لاحقا معلقا علي مدي الحال الذي وصلنا اليه
لكن فجأة نسمع خبر اختطاف سياح في رحلة سفاري
وحريق المسرح القومي
ومن قبله حريق الشوري
من فبله حريق قصر الثقافة
وحريق القطارات
وفي النهاية اسلام العدل يتبعت المخابرات علشان يبحثوا موقفوا الامني
سبحان الله بجد نظام عجيب
انا اسف اني بقول عليه نظام
لكن بجد عجيب جدا
متروحوا تتشطروا علي اللي خطفوا السياح
ولا تعرفونا مين السبب في الحرايق دي
والمفارقة الرائعة اني كنت في المخابرات تاني يوم من اختطاف السياح
وضحكت قوي هناك لدرجة ان شاب من اللي كانوا رايحيين معايا سألني باعتباري انا الوحيد اللي رايح سياسي
وفاهم في الحوارات دي
بيقولي لو حد زعقلي اعمل ايه
قلته قله يا باشا هو انا اللي خطفت السياح علشان تزعقلي
هيقوم قاطم في ساعتها
وعلي صعيد اخر قرأت في بعض الجرائد مانشيتات مثل
هل يقيل مبارك العادلي
الحقيقة مانشيت يدعو للسخرية
انا اتحدي اي شخص ان يحضر لي سببا واحد لاقالة العادلي
ستقولون ماذا بعد اختطاف السياح
الم يتم اقالة الالفي بعد حادثة الاقصر الشهيرة ؟
عفوا فارق كبير
فانتم تفهمون وظيفة العادلي فهما خاطئا
العادلي وظيفته الاولي والوحيدة هي حماية امن وامان النظام من معارضيه
وليس حماية السياح
وليس منع الحرائق والجرائم
العادلي وظيفته اسمي وارقي من ذلك بكثير
العادلي يحمي الرئيس المفدي
والقائد المعظم
فهل يضر الرئيس اختطاف بعد السياح ....طظ في السياح
هل يضر الرئيس اختطاف 8 مصريين ....ياعم يخفوا الكثافة السكانية
هل يضر الرئيس اشتعال بعض الحرائق ....هي اختفالات شعبية
هل يضر الرئيس احتراق قطر الصعيد ...دول صعايدة ياعم
ايها السادة ان الحالة الوحيدة التي يقيل فيها الرئيس وزيره هامان اقصد العادلي
هي في حالة بقاء خيرت الشاطر خارج السجن
او بقاء ايمن نور خارح السجن
او بقاء الاحزاب قوية
او صعود نجم اقتصادي ليس من كوارد الحزب الوطني
او مظاهرة مليونية حاشدة تصل الي القصر الجمهوري حينها يكون حبيب العادلي فاشلا في وظيفته
اما قبل هذا فدعو كل فرد يعمل في وظيفته
المخابرات تحقق معي
امن الدولة يقوم بتحرياته عني
الامن الحربي يطلب مني املاء العديد من البيانات
وحبيب العادلي يقمع للرئيس معارضيه
ونظيف يؤدي صلاة الجمعة نيابة عن الرئيس
والمختطفين يتفاوضون
تخيلوا بيتفاوضوا مع مختطفين وبيحققوا معايا
فارق كبير بين تفاوض وتحقيق
وسلام هي حتي مطلع الفجر
اسلام العدل
 
posted by islam eladl at 12:41 PM | Permalink | 0 comments
Wednesday, September 24, 2008
خاص بمدونه منفي : الساعه ال8 ونصف صباح يوم ال24 من رمضان
خاص بمدونه منفي
الأن الساعه الثامنه و45 دقيقه تحاصر قوات الامن المركزي مسجد اعضاء هيئه التدريس بالمنصوره وتحاصر المعتكفين والمصلين بالداخل ويقف علي ابواب المسجد احد اللوائات ومعه بعض قيادات الامن وامن الدوله لتفتيش المسجد والمعتكفين
وفي انتظار معرفه باقي الاخبار من داخل المسجد تابعونا
تحديث الساعه 9 ونص
ما زال قوات الامن محاصره المسجد ولم تدخله ولكن تتحرش بمكن يدخل او يخرج من المسجد
علما بان اكثر من 85 % من المعتكفين بالمسجد ينتمون الي جماعه الأخوان المسلمين
تحديث : تم انهاء الحصار العجيب قبل الظهر
حقيقة ما حدث
في اثناء اعتكافي في مسجد مساكن اعضاء هيئة التدريس وبعد انتهاء جلسة الضحي ودخول اغلب المعتكفين الي النوم
ساعتين قبل الذهاب الي اعمالهم وكلياتهم
انتظرت انا بعض الوقت وكنت اجلس في المسجد شبه وحيدا والكل نيام
اذا بي اسمع الاصوات الصادرة عن اجهزة لا سلكي الشرطة علي باب المسجد
طبعا فهمت الوضع سريعا بما ان المسجد لا يأخذ بطائق المعتكفين فاغلب المتواجدين من شباب الاخوان وهو ما يمثل صيدا دسما للامن
ذهبت الي الباب فوجدت لواء شرطة ومعه اربعة مخبرين لم يتكلم معي وواصل كلامه عبر اللاسلكي
فدخلت لمسؤل المسجد وبدأ في ايقاظ الجميع ثم توجه للضابط وبعد حديث
ظل الضابط عند الباب لمدة نصف ساعة راغبا في اخذ بيانات المعتكفين لكنه لم يمنع احد من الخروج من المسجد سواء الطلبة او الموظفين وطلب من مسؤل المسجد ان نعد حاجياتنا استعدادا لانهاء الاعتكاف الا ان الضابط
انتقل الي بوابة المساكن نفسها وظل هناك لمدة ساعة ثم ذهب وكان اغلب المعتكفين قد خرجوا لاعمالهم الا انا ومجموعة صغيرة للغاية من غير شباب الاخوان
ثم خرجنا من المسجد الساعة الحادية عشر لقصاء بعض المصالح ولم يكن هناك اي تواجد امني
اسلام العدل
ملحوظة : لقد ذهبت امس الي المخابرات (لا ادري الحربية ام العامة )للتحقيق معي في ادارة الامن الحربي وذلك لاجراءت التجنيد باعتباري صاحب موقف امني ولكن هذه تدوينة اخري
 
posted by معتزعادل at 8:52 AM | Permalink | 0 comments
Monday, September 22, 2008
رساله للحبيبه
يااااااااااه وحشاني الفضفضه قوي بقالي كتير مش بكتب وبقالي كتير مش بدخل المدونه بس مش عارف ليه لما احتجت اتكلم مع حد بعد ما كل الناسالقريبه مني معنتش لاقي حد منهم اتكلم معاه كنتم اول ناس افكر احكي ليكوا
يمكن هتكلم وهزيح الهم بس من غير أي رد فعل يمكن متعرفونيش ولا انا اعرفكم بس اكيد كلنا عندنا نفس الشعور ان مكنش ده الغالب علينا كلنا

النهارده بعد صلاه العشاء والتراويح روحت اقعد في البيت مع اهلي زي كل يوم وقبل ما اروح تدريب السباحه الاقيهم كلهم بيضحكوا وسعداء وفرحانين باين عليهم الرضا باين عليهم الفرحه باين عليهم السعاده بكل شئ بصيت لنفسي ومش عارف مالي بقالي اكتر من سنه في مشاكل في ازمات حاولت كتير اهرب منها بس كل ما بهرب منها بلاقيني فيها حاولت انساها بس كل ما بنساها بلاقيني فاكرها يمكن علشان هي كل حياتي يمكن علشان مقدرش اعيش من غيرها

هربت كتير ورحت معسكرات وسافرت وحاولت اخلص من الدنيا دي بروح وبرجع وبشوف وبسمع وبضحك وببكي وهو نفس الاحساس نفس الشعور ...... بحبك

هتلوميني لو قلتهالك مانت مبقتيش لي هيلوموني لو سمعوني بفكر فيها علشان مبقتش ملك ايدي
بس حتي وانا متأكد انك مش بتاعتي في حاجه بتدفعني افكر فيكي وتقول انك ممكن في يوم من الايام ترجعيلي
في حاجه حاسسها في نظره عينيكي في نبره صوتك في كل حاجه فيكي
همي كان اني احس انك سعيده بس مش عارف انت سعيده ولا لاء يمكن بتضحكي بس شايف الضحكه الي علي شفايفك كذبه بتضحكي بيها علي الكل بس انا مش عارف اصدقها

شايف الفرحه الي في عيونك في يوم ما لبستي الدبله دموع قاسيه تحفر في خدودك وتنحت في ضلوع صدري
يمكن ده كلوا وهم بحاول ابني جدرانه واعيش انا فيه ولا هي دي الحقيقه الي نفسي تكون جنه بتحضن قلبي وترويه تقولوا راجعه ليك تقولي انا ليك هعيش عمري فدا لعينك وارجع اقول ده كلوا كلام وحروف من الضلمه في عتمه ليل ما يشوفها الا عليل بقلب مهزوم بجسم معلول يحس بالي حاسس انا بيه بكل جروحي في ضلوعي وفي عيوني دموع تكوي النهار والليل واعيش وحداني بعيد عن كل الناس

قفلت باب القوضه علي نفسي وبكيت فكرت فيكي وصليت دعيت للرب يحميكي يقويكي ويبعد عنك كل الشر يسعد كل ايامك ويكتبلك سعاده طول ما انت في الطريق لقدامك
مش عارف ليه قاعد بفكر كل يوم كنت فيه معاكي وكل لحظه وكل بسمه وكل كلمه قلتها وياكي يمكن علشان وحشتيني مانت علي طول وحشاني طيب ما يمكن قلبي بينادي عليكي ويمكن ان القلب حاسس ان القرب ليكي علي ايديكي كلوا يمكن كلوا جايز كلوا كلوا اتكتب بس الشعور مدفون جوا القلب العليل
يا تري يا الي بحكيلك سمعاني ؟؟
يا تري يا الي ضفايرك هي الي هترسم ليل سعيد وعيونك قمر ينور لي احلامي ... فهماني ؟؟
يا تري انا الي بحاول ارجع ليكي وانت مش لي ولا انت كمان رجعالي ؟؟؟

معتز عادل
 
posted by معتزعادل at 9:04 PM | Permalink | 5 comments
Sunday, September 7, 2008
فلسطين نادت فلبوا الندا





تدعوكم اللجنه المصريه لفك الحصار عن غزه واللجنه الشعبيه لفتح معبر رفح لتلبيه نداء الدكتور حمدي حسن والحمله

الشعبيه لكسر الحصار عن غزه ..
للخروج في قوافل بإتجاه معبر رفح من أجل رفع الحصار عن غزه .
وقد أعلنت اللجنه المصريه لفك الحصار عن غزه عن التحرك بقافل

ه من أمام نقابة الصحفيين بالقاهره يوم الأربعاء 10 رمضان الموافق يوم 10 سبتمبر بإتجاه معبر رفح ..

علي أن يكون موعد الإنطلاق في تمام الساعه 6 صباحا مباشره .
* نرجو ممن يود المشاركه الإتصال باللجنه علي الأرقام التاليه للحجز من أجل توفير أماكن و أوتوبيسات للجميع
* الإشتراك بالقافله ب 30 جنيه للفرد الواحد
* نرجو الإتصال بالأرقام 0105805657 - 0106832876 من أجل الحجز وتوفير أوتوبيسات للجميع
* من يستطيع القدوم بمساعدات مهما كان حجمها نرجوا إحضارها معه وسيتم إرفاقها بالأوتوبيس لتوصيلها للقطاع إن شاء الله وبالنسبة لمن يرغب في ارسال معونات من المنصورة يرجي احضارها الي مسجد مساكن اعضاء هيئة التدريس بعد صلاة التراويح او يتواصل معي
* عنوان نقابة الصحفيين بالقاهره : 3 شارع عبد الخالق ثروت ( المتفرع من شارع رمسيس) - منطقه الإسعاف - محطه مترو جمال عبد الناصر ( خلف دار القضاء العالي )
الأربعاء 10 رمضان - 10 سبتمتبر
الساعه 6 صباحا
أمام نقابة الصحفيين بالقاهره
قافله بإتجاه قطاع غزه المحاصر
للحجز والإستعلام والمعلومات
0105805657 - 0106832876
فاكس:0223623935

E-mail : for.ghaza@gmail.com
 
posted by islam eladl at 2:33 AM | Permalink | 2 comments