Wednesday, April 18, 2007
تعددت الاسباب والموت واحد


من كام يوم وانا متابع صفحات الوفيات وتقارير الامم المتحده ومنظمه الصحه العالميه ووزاره الصحه عن مصر

هتقولولي كل ده وفهمناه بس صفحات الوفيات ..؟؟

مهو اصل انا كان نفسي اشوف اعلان عن وفاه راجل كبير او عجوز وبتاع بس مش بلاقي
كل الاعلانات موجهه الي الابناء وتلاقي جنبها دائما كده بسبب حادثه مؤسفه او بسبب اصابته بسرطان او لا قدر الله اي مرض اللهم عافنا


بس لقيت ضالتي

عم محمد السعيد
رجل بلغ من العمر 79 عاما توفي وفاه طبيعيه تمام دون امراض او اي حاجه

تقريبا عم محمد هو اول مصري يموت موته طبيعيه من 26 سنه

من 26 سنه والموت بقي غير الموت ملك الموت مش ملاحق

لو جينا نشوف الوفيات

هنلاقي عشرات الاف بيموتوا علي الطرق في حوادث علشان الاسفلت يا اما مش مهئ او مفيش اضائه للطرق السريعه

هنلاقي ملايين بيموتوا من الامراض زي الفشل الكلوي والكبد الوبائي علشان احنا بنشرب مياه المجاري بقالنا 26 سنه ومش بنقيها مره واحده كده

هنلاقي الاف بيموتوا بالسرطانات نتيجه للاغذيه المسرطنه الي اترشت بمبيدات مسرطنه في نفس ال 26 الي بنتكلم عليهم

هنلاقي ناس بتموت من الجوع لانهم تخطوا خط الفقر بسبب الاقتصاد الي مدمر ومتاكل كلوا في جيب شله اصحابنا من 26 سنه

هنلاقي شباب بينتحر لانوا فقد الامل في انوا يعيش عيشه كريمه في انوا يتجوز او يشتغل او يكون اسره وزادت في 26 سنه الاخيره

هنلاقي اولياء الامور بتهاجر وبتموت نفسها من الشغل وترجع مصر مكحكحه ومتقدرش تسند طولها خيرها لغيرها من 26 سنه

هنلاقي ان في ناس كتير ماتت بالضغط والسكر والسكتات القلبيه من كتر التصريحات الناريه الي بتهدم في اقتصاديات وحريات الشعوب
ولا يسعنا الا ان نشكر سياده الرئيس علي الوصفه السحريه دي
اظاهر ان دي طريقه من طرق تحديد النسل وتنظيم الاسره

ولسه هنلاقي وهنلاقي وهنلاقي بقايا شعب لسه بيحلم انوا يعيش مستور انوا يشوف النور

شعب بيحلم حلم صغير انك ترحل عنا وتغورررررررررر


والله يرحمك يا عم محمد وزي ما بيقولوا
تعددت الاسباب والموت واحده

قفلت الجرنال ورميت التقارير في اقرب سله زباله واستلمت الجواب خلاص وجايلكم في الميعاد
وسلملي علي امن الدوله
معتز
18\4\2007
 
posted by معتزعادل at 2:22 AM | Permalink |


0 Comments: