Monday, April 16, 2007
ومش بس اخوان




كلنا اخوان
لو النظام بيعاقب عبد المنعم علشان مدونته
انا اخوان
فانا بقولها في وش النظام الفاسد
في وجه حبيب العادلي
انا اخوان
في وجه حسني مبارك انا اخوان
كلنا اخوان
ومش بس اخوان
انا كفاية
واشتراكي
وحزب الغد والتجمع
والجن الازرق
عنطلع لكم في كل مكان
لو قبضتم علي منعم فكلنا منعم

وانقل لكم تدوينة من مجدي سعد
لان لضروف امتحاناتي مش فاضي اكتب

*********



ايوة يا مجدي .منعم اتقبض عليه من شوية في المطار "

تليفون من اسلام عبد الحميد الساعة اتنين بالليل
انا اخوان
زي منعم
وهاعيش اخوان
وهاموت اخوان
وان اتحبست زيك يا منعم هاكون في سجني اخوان
وان فقدت عملي زيك يا منعم برضه هافضل اخوان
وان اتصدرت فلوسي زي حسن مالك هافضل اخوان
وان اتحولت للعسكرية زي خيرت الشاطر هافضل اخوان
وان نمت علي كرسي برة بيتي في مكان غريب هنام اخوان
وان مكلتش عشا سخن واخدت دش سخن برضه هابقي اخوان
وان اتمنعت من السفر هاعيش جوة مصر اخوان
وان فضلت طول الليل هربان برة بيتي في شوارع مصر
هاكتب علي كل حيطة في كل حارة
انا اخوان

ايوة يا منعم
انا اخوان
وان كان ابويا في مرض موته ومش قادر اروح اشوفه زيك يا منعم
هنادي باعلي صوتي انا اخوان
وان فقدت احساسي بالامن واتخلصت من تليفوناتي كلها وغيرت سكني زيك يا منعم
هاقف في اوسع ميدان فيكي يا مصر وهاصرخ انا اخوان
ولو اتحرمت من ابسط حقوقي في الحياة زيك يا منعم
هايكون شعاري وعنواني زيك يا منعم
"انا اخوان "
انا اخوان
لاني كانسان من حقي اني اختار اكون ايه
انا اخوان
لاني كيان ليا ارادة وعقل وحرية اختيار
انا اخوان
وهافضل لاخر نفس في صدري اخوان

يا ناس
انا اخوان
وقولوا لكل مستبد زي مبارك وابنه
ان انا اخوان
وقولوا لكل صحفي افاق ومنافق
ان انا اخوان
وقولوا لكل مجرم في امن الدولة
ان انا اخوان
وقولوا لكل سياسي متواطئ
ان انا اخوان
وقولوا لكل ناشط صوته اتخرس
ان انا اخوان
وقولوا للبشر كلهم
ان انا
زي منعم
انا اخوان
ويللا الحمدالله

islam
16-4-2007
 
posted by islam eladl at 11:15 PM | Permalink |


0 Comments: