Friday, April 6, 2007
احنا بتوع البقلويظ
احنا بتوع البقلويظ

كما لا يخفي علي كثير منا فساد الزمم و موت الضمائر وتهاوي النفوس في بحور الضلال
ونتذكر الشيخ كشك والقرضاوي وغيرهم وغيرهم في السجن الحربي وما كتب عن هذا السجن بكل ما به من من وسائل لراحه المعتقلين
انتهي عصر المعتقلات فنحن في سجن بلا جدران سجن وجدنا فيه انفسنا دون ادني حريه
انت مدان ان ارشدت عن فساد
انت مدان ان كنت تبحث عن الاصلاح

طيب مهو بصراحه عندهم حق هي كانت بلد ابوك يا جدع

من كام يوم لما النائب الجعفري بيقول لوزير الاسكان المغربي ان فيه انتهاك لفلوس المواطين واختلاس 100 مليون جنيه قالولوا انت ازاي تتكلم عن واحد في غيابه حرااااااااام ولا يجوز شرعا دي غيبه وتلاقي عمك مفيد شهاب بيعقب انوا كل النواب لازم ياخدوا حقهم في الرد وانوا مينفعش يبقي في خلاف بينهم وبين الحكومه فيا تري هل ده ساري علي كل النواب بما فيهم المعارضه ولا بتوع الوطني بس اصل بردوا الجعفري وطني
وفي نفس ذات الوقت تلاقي ان قوي الحزب الوطني والقوي العلمانيه بتحذر من قوه العلاقات الاخوانيه الخارجيه وانهم بيشكلوا خطر من تلاقيهم دعم من الخارج

هي الكحكه في ايد اليتيم عجبه يعني هو الحزب الوطني مش بيتلقي من قوي خارجيه دعم ودعم ودعم
ويقولوا لاء اصل احنا سياسه بس الاخوان ماشين وبيتاجروا بالدين

هنا بنقول طيب مهو انتم بردوا بتاجروم بالدين ولا شيخ الازهر الي زي الفل ده مش بردوا كان مطلع فتوي بيقول ان المقاطعه للاستفتاء اثم قلبه منين بقي دي مش عارف مهو اصلا غلبان مش عارفه يعني ايه تعديلات دستوريه ومش هننسي حلقه الجزيره بتاعت احداث الاقصي

ولا الاعلانات الي كانت متعلقه في جامعه المنصوره الي بيتقال فيها الاستفتاء واجب وطني وديني
ايه حشر الدين الوقتي ولا هو حلال ليك حرام علي الباقي

ولا يمكن فاكر ان هو كده ممكن يستعطف الجماهير

يا عم انا مالي انا كنت بشتري بقلويظ وسمعت الكلام ده متضربش يا عم علي القفا يا عم مش انا الي بتكلم يا عم يا عم
احنا بتوع البقلويظ ... احنا بتوع البقلويظ
معتز
6\4\2007
 
posted by معتزعادل at 12:55 AM | Permalink |


0 Comments: