Tuesday, May 1, 2007
حصانتها أم حسن

قضت محكمة القاهرة للامور المستعجلة بعدم قبول دعوى سحب مؤلفات نوال السعداوى من الاسواق المصرية ومنع تداولها ؟؟؟

اشمعني عبد الكريم بقي الي اتقبض عليه واتحكم عليه ب 3 سنين سجن لازدراء الاديان وسنه سب وقذف الرئيس

هو علشان عبد الكريم غلبان ونوال السعداوي واصله وقادره تاخد حقها ولا ايه علشان علاقيتها بمنظمات دوليه والتمويلات الخارجيه نسيبا تتكلم وتقول الكلام ده

مهي في كتبها كفر علني لما تصور في كتاب ملعون من كتبها الله سبحانه وتعالي بانه شخص عادي ويستقيل من منصبه استغفر الله العظيم الكتاب بعنوان "الاله يقدم إستقالته فى إجتماع قمة" اليس هذا كفر والحاد وارتداد عن

الاسلام يا نوال


هو احنا ليه عندنا في مصر خيار وفاقوس

الغلبان والضعيف الي اتفصل من الازهر وبدأ يشتم فيها نجيبوا ونحبسوا لانوا عبر عن ارائه في تدوينه علي مدونه علي شبكه الانترنت " كلامي لا يعني اتفاقي مع اراء كريم ولكني مختلف معه تماما "

ولا نحاسب الي نزلت كتاب تستهزء فيه من الذات الالهيه ومقدساتنا في الاديان السماويه وفي كتاب منشور يعني في ايد كل الناس
هو نوال عندها حصانه تؤ تؤ تؤ معتقدش مهم لسه كانوا قابضين علي 2 من اعضاء مجلس الشعب الاخوانيين
طيب حصانه دبلوماسيه مممممم بردوا معتقدش

طيب نوال دي شغلتها ايه هاجمت الحجاب وهاجمت ربنا وهاجمت الرسول وعايزه الستات تتسمي علي اسامي امهاتها انتم ساكتين ليه هي ملهاش كبير ولا ايه

نطالب كمدونين ان تحاكم نوال السعداوي بتهمه ازدراء الاديان كما سبق وحكم علي كريم ب 3 سنوات

والا انتم مش هتقدروا عليها

معتز

1\5\2007
 
posted by معتزعادل at 1:46 AM | Permalink |


1 Comments: