Saturday, April 28, 2007
" خـــالتي بتســـلم عليــــك "
الشفره او الكود السري للعمليات السريه المصريه في اسرائيل عام 1967 " خالتي بتسلم عليك" طيب ازاي يعني من كام يوم التلفزيون قاعد يعرض لينا في افلام حمضانه عن تحرير سيناء وحرب 6 اكتوبر علي دماغي يا جماعه بس لما الاقي فيلم غريب كده مش عارف اسموا والاقي ان ناديه الجندي مطلعينها بطله قوميه - سيدي يا سيدي – والبطله القوميه ليها بقي علاقات مع ضباط اسرائيلين اوعي مش هتكلم بقي اتفرجوا علي الفيلم انا سيبتني من ده كلوا عمنا ظابط المخابرات المصري كان كل ما يعوزها في حاجه تلاقي واحد بيكنس الشارع او واحد ماسك سندوتش فول ومعدي من جنبها في الشارع ويقولها " خالتي بتسلم عليكي " والنشيد الوطني ينزل والدموع بقي والرجفه النفسيه حبا للوطن ولما تتكشف بقي والتعذيب والافتكاسات الي كانوا بيقولوها في الفيلم

طيب عايزين الفيلم يبقي واقعي يبقي اختاروا كلمه سر عدله
يعني مثلا لو اعتبرت نفسي عميل للمخابرات المصريه والمطلوب مني اروح اجيب عميل تاني والشفره
" خالتي بتسلم عليك "
يبقي الرد الوحيد الي ممكن اتخيلوا من البشمهندس الي قدامي ان علشان يأكد علي الشفره هيقولي
" أمك اسمها زغلول"
وبعدين ازاي نشوه صوره الابطال الي خاطروا بحياتهم في التجسس علي اسرائيل ونطلعهم بالشكل المبتذل الي طلعوهم بيه ده وان كل اهتماماتهم وحياتهم كانت منصبه علي الجنس والمقامره ومعاقره الخمور

والغريبه ان بعض الفنانين المبتذلين والي مش بشوفلوا فيلم غير يكون ملئ بالمشاهد الساخنه والي الواحد يخجل انوا يتفرج عليها يقول انوا من طبقه المثقفين " اديني اماره يا نجم "

وانا بقراء الدستور اليومي عدد الجمعه كان في لقاء مع عادل امام من النيوزويك وكانوا بيسالوه عن جمال مبارك اكد انوا بيتمني ان جمال يرشح نفس لانه مثال للقائد القوي والذكي

" ربنا يخليهولك يا شيخ"
ومره تانيه في مداخله تلفزيونيه قال انوا بصفه واحد من طبقه المثقفين بيتكلم عن التعديلات الدستوريه واهميتها في التغيرات الي ستغير مجري التاريخ في مصر

هي طبقه المثقفين لمت معلش لما يكون طبقه المثقفين الي بيتكلم عليهم دول فئه من الافاقين والمنافقين ومرتادي الملاهي الليليه واصحاب المشاهد الساخنه في الافلام كيف اقيم اشخاص مثل
عبد الوهاب المسيري
محمد حسنين هيكل
فهمي الهويدي
ابراهيم عيسي








والله ما عارف اكمل كلامي بس يا ريت يكون عندنا فعلا في البلد دي حسن استخدام للموارد والالفاظ ومش كل واحد يحسب نفسه علي فئه لمجرد انوا قراء كتابين او سمع شريطين في عربيه ولا بيتفرج علي نشره الساعه 9
يبقي مثقف
ياخي دي تبقي كده العمليه .....يا اكسيلنس
معتز
28\4\2007
 
posted by معتزعادل at 12:28 AM | Permalink |


4 Comments:


  • At April 28, 2007 at 1:53 AM, Blogger مُرَاقِبْ مِصْرِي

    بوست مسخرة
    تخيل لما تبقى تهمة محمد العطار مثلا اللي حاكموه بسببها إنه قال خالتي بتسلم عليك
    أو المهندس المتهم بالتجسس إنه مثلا قال خالتك قرعة
    هههههههههههههه
    طبعا أمن الدول بيسلم عليك وبيقول لك ليلتك سودااااااااا

    هههههههههههههه

     
  • At April 28, 2007 at 2:21 AM, Blogger معتز

    تخيل بقي ان عزام عزام قالها ولما القاضي قالوا امك اسمها زغلول تبول في القفص ومحدش كلموا وسلموه لاسرائيل ومحمد العطار ان شاء الله هيحصلوا سببها لله والشفره بتاعت امن الدوله
    ده يبقي......يا اكسيلنس

     
  • At April 28, 2007 at 6:33 AM, Blogger منة الله صابر حسنين علام

    مش بس عادل امام

    اللي كتب الفيلم نفسو

    اذا كانت الحقيقة كما تحدث عنها ابو بكر خلاف

    فمن اين اتى الكاتب بهذه الاحداث العجيبة

     
  • At April 28, 2007 at 9:39 AM, Blogger عباس العبد

    للأسف
    الاسماء المذكورة لا تعبر عن طبقة المثقفين الى عايزاها الحكومة
    دى طبقة المعارضين الى مبيفهموش
    و الامارة انهم مغضوب عليهم كلهم
    و على العموم
    خالتى بتسلم عليك