Saturday, June 9, 2007
انا عايز حقي
دي صورة مواطن مصري



مضروب





ومسحول في التراب



ومتبهدل طحن





ياتري الصور الللي فاتت دي بتاعت مين

لا ده مش حرامي وتعذب في قسم شرطة

ولا حرامي اهالي المنطقه الجدعان اتلموا عليه ضربوه

ولا مرشح في انتخابات الشوري الجاية

ده ياسر حمود



عضو مجلس الشعب عن جماعة الاخوان

وعنده حصانة وله الحق في مساءلة الحكومة

بس امن الدولة قاله المجلس بتاعكم ده نديله بالجزمة

بامانة طز فيك ياسرور
وتحية لياسر حمود
الصور نقلا عن موقع اخوان المنوفية
التعليق لاسلام العدل
**********


مجلس الشعب له انياب ومخالب يلتقط بها كل من تسول له نفسه الاستهزاء بالمجلس وسمعه مصر طيب فين المخالب دي يا سرور لما اتهان احد اعضاء المجلس علي ايد امن الدوله واتمرمغ في الارض وانضرب علقه موت .. ولا امن الدوله له حصانه وحصانه عن حصانه تفرق

هل سيتم معاقبه ضباط امن الدوله في المنوفيه علي هذا الجرم ... هل سيخرج سرور انيابه كما ادعي في تعليقه علي عمرو اديب لما كان (بيهدده) وادينا شفنا العربيه

ولا هو ياسر حمود مش في حمايه احمد عز فعلشان كده محدش هيعبروا اصل البلد والحكومه دي بتاعت الحزب الوطني وياسر حمود من الاخوان الي بيقولوا عليهم اسلاميين مش فاهم ايه الهبل ده وايه العبط ده يا حكومه متعرفش ربنا وامن دوله هاتك اعراضنا انت فين يا كبير ولا الجو في شرم الشيخ عاجبك ... صحيح نسيت ان الموضوع كلوا بتوصيه من جنابك مانت كنت بتحزر منهم في اخر خطبه مدويه ليك واديت الكرت الاخضر لامن الدوله يتخذ الاجرائات لحمايه الوطن

حسبي الله ونعم الوكيل
اللهم ارنا فيك وفيهم ايه


وانا عايز حقي ... حق اهلي واخواتي واصحابي والممثلين بتوعي في مجلس الشعب
معتز
9\6\2007
 
posted by معتزعادل at 2:58 PM | Permalink |


4 Comments:


  • At June 9, 2007 at 3:43 PM, Anonymous ايمن مصطفى

    اخى معتز
    كلنا عاوزين حقوقنا وكاملة مكملة ولكن كلنا عارفين حقوقنا ايه وكل واحد بينادى لوحده لو كلنا اتجمعنا وطالبنا بيه مرة واحدة الدنيا هتتغير...عايزين نبقى فاعل مش مفعول به يا اخونا
    باعتذر عن اى اساءة نتجت عن ردى او تعليقى على شعر منذر ارجو المسامحة

     
  • At June 9, 2007 at 4:05 PM, Blogger hapasa

    أستاذ معتز سعيد جدا بيزاتى لمدونتك الرائعة
    صديق ظابط شرطة كان بيتكلم معايا بيقولى هي كانت راحت مننا بس جت تانى
    الى راحت منه ده بهدلة الناس من غير مايتفضح دلوقتى جاتله وقانونى
    وكمان البلد كلها مسخرة علشان واحد وعيلته، وعيلته مسخرة وفى خدمة أمريكا
    ممكن يحصل أي شيئ فى سبيل مصلحته بدليل الى من بطنه زي كلام الشاذلى كان فين وباه فين
    مابالك ببتوع الإخوان ممكن يحصل معاهم ايه
    تحياتى أخى الكريم

     
  • At June 9, 2007 at 5:11 PM, Anonymous عمر الشرقاوى

    والله دى مهزله ربنا يخدهم ويريحنا

     
  • At June 9, 2007 at 6:18 PM, Anonymous حمادة زيدان

    اخى معتز
    النظام الآن لا يهمه عضو مجلس شعب , ولا مرشح رئاسي ولا أى شيء سوى مصلحته الشخصية , أخى معتز كلنا عاوزين حقنا مش انت بس
    حمادة زيدان