امبارح كنت في عقد قران واحد صاحبي (اتدبس يعني) وكنت راجع مبسووط
سمعت خبر اعتقال الدكتور عصام العريان
والدكتور عصام رغم اني مقابلتوش تقريبا غير مرة واحدة كنت راجع معاه من القاهرة للمنصورة لحضور جنازة جدي
الكلام ده من سبع سنين
قابلته بعد كده كذا مرة
لكن بجد حبيتوا جدااا رغم قلة معرفتي له
انا دايما في ناس معينة لما بشوفهم او بقابلهم او حتي اشوفهم في التليفزيون بفرح جدا واقوم قايل حبيبي
هبقي اكلم عنهم بعدين
لكن منهم الدكتور عصام
علشان كده حطيت صورته في اول المدونة مش مع بقيت الصور
لان بقيت الصور دول ناس اعرفهم بشكل شخصي وبالتالي حبي ليهم لاني تعاملت معاهم كتير
بعكس الدكتور عصام اللي حبيته دون علاقة معرفة تجمعنا فك الله اسرك يا دكتور عصام
واعادك الي اهلك غانما سالما
اخر مرة كنت في زيارة لطرة المهندس خيرت لقاني متضايق شوية فقالي بصوته القوي يا اسلام
وعايزك تبقي متقائل وماتتضايقش
اللي احنا فيه ده
استراحة محارب
الحقيقة كل مافتكر الكلمة دي احاول ابقي متفائل بس كل يوم بيبقي اسوء من اللي قبله
وكل يوم بيتحبس واحد جديد من الناس اللي بحبهم
وفيما يبدو ان الدكتور عصام انضم للاستراحة
انا هعمل بنصيحة المهندس
واحاول ابقي متفائل
بس بأمانه
انا مخنوق بس متفائل
متضايق بس متفائل
تعبان بس متفائل
اسلام العدل
