Friday, April 6, 2007
كوفرطينا علي العريس



قرأنا جميعا خبر زواج الكبير يوم 4-5
فاتسااءل
هل دار هذا الحديث بين جمال والجمال
الجمال: ماذا تعمل ؟
جمال : يبتسم في هدوء ويهز رأسه قائلا
حاليا انا شغال في حاجة مؤقتة كده
الجمال:يعني ايه
جمال: في عدم رضا يقول يعني انا اللي ممشي البلد اليومين دول
الجمال مبهورا: ومستقبلك مضمون؟
جمال يتنهد مستغربا ويقول : انت مش عايش في الدنيا ولا ايه
الجمال: اشمعنا..؟
جمال ملوحا بيده :انا الرئيس الجاي ان شاء الله (ايه ده قدم المشيئة!)ي
الجمال:طيب العشرين سنة الفرق بينك وبين بنتي
جمال ضاحكا:هاهاهاهاها بقولك هتبقي سيدة مصر الاولي تقولي عشرين سنة ...! هاهاهاهاها
الجمال : عندك شقة..؟
جمال :لأ هعيش مع الحاج مينفعش اسيبه لوحده في السن ده ولا ايه
الجمال :طيب والعفش
جمال :الصالون عليا والباقي علي.... الشعب
الجمال :عندي سؤال أخير
كوفرتينا علي مين....؟
جمال :هيهيهيهيهي كوفرتينا علي العريس
وانتهي الحوار
انا اتسااااااءل
هل يتزوج جمال مبارك من خديجة الجمال علي حساب الشعب المصري....؟
هل سيفرش الجناح الذي جهزه له ابراهيم سليمان من محلات استقبال التي تم التحفظ عليها لان احد اعضاء الوطني كان يطمع في هذا التوكيل..؟
هل سيرتدي بدلة الفرح ماركة سارار المتحفظ ايضا عليها بدون اي وجه حق؟
وفي النهاية اذا كان جمال سيتزوج في عيد ميلاد والده وفاءا له
وسيعيش معه وفاءا له
فهل سيحكم بعده ايضا وفاءا له....؟
وتبقي العادة الشهيرة
كوفرطينا علي العريس

اسلام
6-4-2007
 
posted by islam eladl at 9:30 PM | Permalink |


0 Comments: