Friday, June 29, 2007
احنا لسه بنحب مصر؟



احنا لسه بنحب مصر؟
سؤال طرحه احمد ابو الفتوح صاحب مدونة انا حر وصلني علي الايميل
سؤال يستحق الوقوف عنده والتفكر مليا قبل الجواب
لان الاحابة بدون تفكير سهلة

لكن حين تفكر في السؤال بعمق ستجد له ابعاد اخري


طبعا ماحدش يفكر ويقول هي مصر ادتني ايه علشان احبها لان اجابة السؤال ده كلام قبيح لا احب ان الوث به مدونتي
طبعا الكلام ده غير القمح المسرطن والبيادات العسكرية وجزم الضباط وعصاية عماد الكبير
فبلاش نفكر من المنطلق ده
خلونا نفكر من ناحية تانية
او نرد علي السؤال بسؤال تاني
انهي مصر اللي بتتكلم عنها يااحمد
هل مصر النظام ام مصر الشعب
هل مصر التي يسكنها الرئيس ام مصر التي يفترش الفقراء ترابها
هل مصر العذبه
ام مصر البلد
هل تقصد مصر مبارك ام مصر الشاطر
هل تقصد مصر جمال ام مصر منعم
هل تقصد مصر شرم الشيخ ام مصر قلعة الكبش
هل تقصد مصر الميري ولا مصر الملكي
هل تقصد مصر المملكة ولا مصر الجمهورية
هل تقصد مصر السلام ام مصر عبارة السلام
اي مصر تقصد حتي تسهل الاجابة
انا سأحدثك عن مصر اللي بحبهاواللي اؤمن بها
عن مصر المغتصبة مصر المضروبة
لو كنت تقصد مصر بتاعتنا

اللي هي مصر الشعب

مصر البلد

مصر الشاطر

مصر منعم

فكأنك بالضبط بتسألني هل انا احب امي
ااه بحب مصر

وبعشقها

بحب مصر النيل والبحر حتي لو كان نيل ميته ملوثه

وحتي لو بحر جمصة مش بحر الغردقة

بحب التراب المصري

والجو الحر بتاع الصيف


ااه ممكن ناس تقول معدش لينا مكان في البلد دي

دول بقولهم لاالبلد ددي بتاعتنا مش بتاعت مبارك ولا ابنه

فلو كارهين البلد علشان كده
فانصحكم بسماع كلمة الشاطر
نحن وانتم اصحاب الشرعية في هذه البلد

ومهما عملو فينا

مش هنبطل مش هنسافر مش هنسيب

علشان احنا بنحب البلد دي وهنعمل لمصلحتها



ااه النظام حاول في الخمسة وعشرين سنه الللي فاتو ربط مصر بالنظام

مما اضاع الانتماء لدي الكثيرون

لكن انا بقول للنظام انت فشلت في ده زي ما فشلت في كل حاجة

وبنحب مصر وهضحي علشانها


وتحيا مصر البلد مش العزبة


اسلام العدل

 
posted by islam eladl at 12:37 AM | Permalink |


1 Comments:


  • At June 29, 2007 at 2:06 AM, Blogger دعوة الفردوس

    كلنا نعشق مصر

    والا لما كنا ثرنا وكتبنا و "اتبهدلنا" أحيانا الا لو بنحبها

    مكناش هنستحمل رزالة أفراد الامن في الجامعتا والشوارع الا لو دايبين في حب البلد دي

    ومهما حصل

    مش هنبطل
    مش هنسافر
    مش هنسيب