جالي تاج من الغالي احمد دومة - شاعر أخوان -
وربنا يستر
أحب شخص لقلبك في الدنيا؟
مش هقول والدي ووالدتي علشان طبعا بحبهم واخواتي كذلك
وطبعا يوسف القرضاوي وعمرو خالد وخالد مشعل
وناس كتير ماتت الله يرحمهم بقي
واللهم من دول كلهم واحدة غاليه علي قوي وان شاء الله تكون زوجة المستقبل
انسان مستعد تضحي بحياتك - ركز فى كلمة حياتك – عشانه
محدش يستاهل ان اضحي بحياتي علشانه غيرها بردواا ومحدش يسألني ليه
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
اي شخص خائن للامانه او خائن لوطنه وعميل او كان سئ الظن بي في اي موقف من المواقف
ما هو اسم اجمل كتاب كتبه بشر قراته ومحتفظ به حتي الان؟
الرسائل لحسن البنا
في ظلال القرأن لسيد قطب
سلسله الاندلس لطارق سويدان
وعشرات من كتب الشعر والادب وخاصه الادب الانجليزي
اسم كتاب كتبه بشر برضة- انت متعلق بيه وبتقرأه كل فترة؟
هو مش كتاب بالظبط هو بعض من الخواطر الي كتبتها وبتذكرني بلحظات سواء كانت قاسية او سعيده في حياتي
اهم جهاز منزلى انت متعلق بيه او بتستخدمه كتير؟
طبعا الكمبيوتر
مكان تحس بالراحة عندما تدخله؟
اي مكان يذكر فيه اسم الله الا بعد الشر بعد الشر مباحث امن الدوله
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
مكان اسموا السامبزيوم في جامعه المنصوره لانه اول مكان للقاء وثانيا شهد اكبر تحول في حياتي وحياه الكثيرين
وكمان وانا قاعد علي النيل او البحر او اي مكان جمعنا سوووووي
أجمل مدينة زرتها داخل مصر ؟
مصر كلها حلوة بس انا بحب الاسكندريه
أجمل مكان طبيعي رأيته داخل مصر ؟
نهر النيل وخصوصا لما اكون مضايق او عايز افكر اروح اقعد بليل واحكيلوا ويحكيلي
شخصية كارتونية بتحبها ؟
دونالد ديك (بطوط)
نوع هاتفك المحمول؟
حاليا بقي 6100 بعد عناء طويل مع اجهزة كتير
سرعة بروسيسور جهازك؟
2.9
حجم ذاكرة –هارد- جهازك؟
160-200
المساحة التى تشغلها المواد الاسلامية على جهازك؟
مش كتير يا دوبك القرأن الكريم واحداديث قص الانبياء وحاجات لاحمد ديدات بتاع 80 جيجا
أهم هدف انت واضعه لحياتك الآن؟
ان اكون شخصيه مؤثره ايجابيه ونفسي اكون اعلامي كبيروبجهز نفسي لده حاليا
مواصفات فتى الأحلام بالنسبة لك؟
الحمد لله انا طبيعي انما لو تقصدوا فتاه الاحلام فالحمد لله لقيتها خلاص ملكوش دعوه بشكلها ولا اسمها ولا الكلام ده كلوا بدل ما ادور فيكم الضرب ....
المهم عندي روحها جميله جدا وعقلها كبير جدا .... الخلاصه الانسانه الوحيده الي بحس معاها بالامان وبحس انها فهماني وعندها اجابه لكل حاجه
شعورك لما بتسمع كلمة مصر ؟
لو تقصد مصر العزبه فبقول حسبي الله ونعم الوكيل
لو تقصد مصر الشعب فبقول دوله الظلم ساعه وان الله مع الصابرين
شعورك لما بتشوف الكناس العجوز فى الطريق؟
بقول هي دي اخرتنا كلنا علي قد ما الراجل بيصعب علي قد ما بحترم فيه كفاحه حتي اخر لحظات حياته وبكره كلنا في الهواء سواء
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
ربنا يهديه ويكون معتدل لأن الاسلام مش ارتداء الجلباب القصير ولا اللحيه الاسلام معامله وادب واخلاق يعني مش نركز في جزء ونتناسي الجزء الاهم
احساس يراودك فى اشارة مرور مغلقة بسبب مسئول كبير؟
بفتكر وزير البيئه الفرنساوي وهو خارج من المكتب ومش حواليه حراسه وادعيلوا والله العظيم بالهدايه لان الناس دي هي الي تستاهل مش لما يكون ابن اخت مديرالامن معدي وعاميلوا حراسه لحسن حد يعدي من قدامه وهو ماشي يقولوا بخ
وكده خلاص وجه دور التمرير وهمرره
لاخويا الغالي اسلام العدل
لابن يسري
عمر الشرقاوي
منذر
واي حد انا نسيته بقي
الأخ معتز عادل
سلا م الله عليك ورحمته وبركاته
تنتهى اليوم الجمعة فى منتصف ليل السبت( بتوقيت جرينتش) إنتخابات إتحاد المدونيين العرب أتمنى أن تسارع بالتصويت حتى تدلى برأيك
واللنك الخاص بالإنتخابات هو
http://arabictadwin.maktoobblog.com/?post=377187
وأرجو أن تمنحنى ثقتك ،مع وعد صادق بالعمل على وحدة المدونيين العرب وإعلاءكلمتهم فى المحافل المحلية والعلمية حتى تكون لها كلمة مسموعة
وسوف أدعم أى مدون يتعرض لظلم أو تقييد لحريته أو إعتقال أو أى ظرف طارىء
والمجال لايتسع لسرد برنامجى
أرجو الإسراع بالتصويت
وقد حرص على الثقة بشخصى المتواضع مدونون لهم ثقلهم فى عالم التدوين
منهم على سبيل المثال لاالحصر
الأستاذ/ أنور زيادات
الأستاذ /أحمد حماد
د.حنان فاروق
د.سيد مختار
أستاذ/ عماد النمر
الأستاذ /وائل عزيز
الأستاذة/هيفاء فويتي
الأستاذه /انتصار عبد المنعم
وغيرهم بفضل الله، ولهم منى خالص الإمتنان والشكر
أرجو أن تسرع بالتصويت وتدعمنى بصوتك
مع خالص تحياتى وإحترامى