انا طبعا بقالي 3 اسابيع ماتابعتش اي حاجة غلي النت
وبالتالي عندي كمية تدوينات كبيرة مقرتهاش
ومدونات كتيرة هخش اقراها
وتدوينات عايز اكتبها
وانا كنت داخل اكتب تدوينة بخصوص ثورة يوليو
بس قلت ارد علي التاج الاول
أحب شخص لقلبك في الدنيا؟
من المعاصرين طبعا
بعد ابويا وامي واخواتي وخلاني وخلاتي
من اللي اعرفهم شخصيا ..المهندس خيرت والحاج حسن مالك
من الشهداء ..حسن البنا ويحيي عياش
من الاحياء ..القرضاوي والبوطي وعمر عبد الكافي وراشد غنوشي ومشعل وهنية والزهار
من لاعيبة الكورة ابو تريكة
ومن اصحابي لو قلت هيتقبض عليهم فبلاش
ومن العمارات عمارة الحمد
واكيد احب شخص لقلبي هيبقي البنت اللي هتكون مراتي واللي انا لسه معرفش هي مين
انسان مستعد تضحي بحياتك - ركز فى كلمة حياتك – عشانه
اغلب الاسماء اللي انا قلتها مستعد اضحي بحياتي علشانهم وبالذات المهندس خيرت
والقرضاوي
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
بدون تردد مفيش غيره
حسني مبارك
ما هو اسم اجمل كتاب كتبه بشر قراته ومحتفظ به حتي الان؟
الرسائل لحسن البنا
اسم كتاب كتبه بشر برضة- انت متعلق بيه وبتقرأه كل فترة؟
الرسائل برده بتاع حسن البنا
اهم جهاز منزلى انت متعلق بيه او بتستخدمه كتير؟
الكمبيوتر والتكييف
مكان تحس بالراحة عندما تدخله؟
السرير
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
ايه ياعم السؤال العجيب ده ذكريات جارفه الي لاشئ ازاي يعني
انت عايز ايه بالضبط؟
أجمل مدينة زرتها داخل مصر ؟
الطبيعي انها اسكندرية
بس بأمانة انا بخب القاهرة
أجمل مكان طبيعي رأيته داخل مصر ؟
حته كده علي الطريق بين العريش ورفح
عبارة عن ربوة عالية وتختها شجر زيتون ووراه البحر كان منظر رائع جدا
شخصية كارتونية بتحبها ؟
توم وجيري
اصلي قديم قوي
نوع هاتفك المحمول؟
n73
أهم هدف انت واضعه لحياتك الآن؟
ان اصل الي ماوصل اليه مهندس من بين اثنين مهندسين فكرا وعملا
ومش هقول هما مين
مواصفات فتى الأحلام بالنسبة لك؟
اكيد اللي كان عامل التاج بنت مش ولد لكننا هنحرف التاج ونخليه فتاة الاحلام
بعد الاشياء الاساسية اللي هية
دين ونسب وجمال
تكون وسطية التدين
مثقفة
وياريت لو اسمها .....ماعلينا السؤال اللي بعده
شعورك لما بتسمع كلمة مصر ؟
ييجي في دماغي علي طول هتاف
مصر يا ام
ولادك اهم
دول علي شانك شالو الهم
دول يحموك بالروح والدم
فبحس بالقهر اللي واقع علي الناس
وفي نفس الوقت وطنيتهم وانتمائهم وحبهم للبلد دي
شعورك لما بتشوف الكناس العجوز فى الطريق؟
قد ولي زمن عمر بن عبد العزيز
واتساءل
كيف لرجل لايجد قوت يومه ولايخرج علي الناس شاهرا سيفه
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
الحقيقة بيبقي نفسي افرح جدا لان ده معناه ان الشباب بدأ يفوق لكن في نفس الوقت بخاف انه ميكونش فاهم الاسلام صح
والموضوع ده بالذات هكتب عنه تدوينة
لاني ناقشته مع الاستاذ خالد حمزة اثناء سفري معه للقاهرة
احساس يراودك فى اشارة مرور مغلقة بسبب مسئول كبير؟
ااه يابلد قذرة
والبلد هنا قصدي بيها النظام
رحم الله عمر حكم فعدل فامن فنام
والسلام ختام
اسلام العدل
بارك الله لك في مدونتك
ماشاء الله جميلة جدا