Saturday, July 14, 2007
انتبه من فضلك الحقيبة فيها سم قاتل

هل ذنبى أننى أحمل حقيبه أم انا الحقيبة ذنبها انى حاملها ؟؟

سؤال طرح نفسة على ذاكرتى طول الاسبوع الماضى

أذنبى أنى أحمل شنطه ؟؟؟ أم ان الحقيبه ذنبها انى حاملها ؟؟

كعادتى كل يوم لكى أختصر فى الوقت والجهد وكمثل كل المصريين بيفضلوا ركوب المترو لأنه مواصله سريعه ومريحه ولكن أنصح كل من يفضل المترو فى التنقل داخل القاهرة الا يستخدمه الايام دى
طيب

السؤال ؟؟

وليه مركبش المترو ؟؟ هو فى حاجه فى المترو ؟؟

الحكايه تبدأ عندما بدأت أركب المترو فى محطة شبرا، برا المحطة وجو المحطة كم كبير من الامن بالزى الملكى وبالزى العسكرى .

ولسوء حظى بحكم عملى فى مجال التسويق أنى أحمل فى كتفى او فى يدى حقيبة
والواحد طبعا بيقول المترو اسرع وبيختصر فى الوقت . لكن الاسبوع اللى فات علشان تتأخر اركب المترو
ينادى عليك .... لو سمحت خش من هنا ... افتح الشنطه .... بطاقتك ..... يفضل يفتش .... طيب اتفضل

كل دا وطابور قدام الواحد وطابور خلفك..... وحلنى بقى على ما ييجى دورك ...... زى طابور العيش بالضبط

المشكله انى الحوار دا فى كل محطة . ( المفروض اللى بتفتش مرة ياخد ورقه علشان يتبت انه برىء)

المهم يابخته اللى مش معاه شنطة ... بيخش وهو مرتاح البال وبيوصل المكان اللى عاوزة على طول

يابختك يالى ممكش شنطة فى المترو


السؤا ل؟؟


هو فى ايه؟؟

الكل بيسأل الناس والامن ويسأل نفسه .

هو فى ايه؟؟

يرد عليك الامن

مفيش حاجه

رد صراحه مقنع


على العموم انا بقترح اللى فى شغلى بيحتاج شنطة ممكن يسبها فى الشغل علشان ميجبش لنفسه شبهه فى المترو .

او ياخدا اى مواصله غير المترو

ونناشد كل المسؤلين انهم يوضحوا لنا هو ليه نتفتش فى كل محطه كام مرة؟؟؟

صحيح نسيت اقول لكم

أنا أخر ما زهقت بقيت أخش عليهم على طول من غير ما ينادى على

اتفضل الشنطه اهه والبطاقه .

يلا طولت عليكم

السلام عليكم


محمد الشاعر
13/7/2007
 
posted by Hezaha W Eshtaghl at 12:06 AM | Permalink |


2 Comments:


  • At July 14, 2007 at 8:27 AM, Blogger bluestone

    اقرا المصري اليوم الصفحة الاولى النهاردة وانت تعرف
    واعتقد انك هتعذرهم ...

     
  • At July 14, 2007 at 4:39 PM, Blogger معتزعادل

    يا سيدي علي دماغي من فوق بس ميقولوش للي شايل الاب توب يركب حاجه تانيه ده في بريطانيا وامريكا الي متبهدلين تفجيرات محلصتش الحاجات دي يعني يا ريت يكون فيه شويه حسن تصرف افرض الواحد رايح مشوار طويل ومش معاه فلوس تكفي يروح مشي علشان شايل لاب توب