Sunday, August 19, 2007
مصر ....اتفقعت
انا مخنوق جدا






عنوان رخم صح؟؟




بس بجد الوضع اللي احنا فيه بقي رخم قوي




تخيلوا لما يوصل الامر اننا احس ان مالناش مكان هنا




مش بلدنا دي بتاعتهم




كل حاجة بتقول كده




كل اعتقال جديد بيدل علي كده


كل ضحية تعذيب بتموت من غير عقاب بتأكد علي كده




كل مريض فقير مش لاقي علاج بيقول دي مش بلدنا




كل واحد مش واصلاله المياه


بقول نروح فين




ومن جهة تانية




امن الدولة بيقولنا دي مش بلدكم




وزير الداخلية بيطلع لنا لسانه ويقول دي عزبتي




جمال مبارك بيقول ده ورثي




وابوه بيقول دي ملكي وملك ابني من بعدي




وسوزان بتقول القراءة للجميع (صباح الفل يا مدام ) عايشة في عالم تاني بعيد عن الطفل اللي مات في التعذيب


سلامة الطفولة يا ....ماما




كل يوم معتقل جديد


كل ساعة ضحية جديدة




تخيلوا كل الطحن ده




ورغم كده انا مصر انها بلدي




مش بلدهم


بتاعتي مش بتاعتهم




والله انا ساعات ببقي مشفق علي مصر من اللي بيحصل ده كله




وبقول لو ادينها الفرصة




ياتري هتعمل ايه




تخيلوا معايا


شايفينها وهي بتلم هدومها المتبعترة هنا وهناك


شايفينها وهي بتطبق سيناء وتكويها


وترتب في الشنطة اراضيها

وتحط هدومها الداخلية ..والخارجية

و وزارة البيئة

في الجيب ابو سوستة


وبتعبي النيل في الجركن


وبتلم الصحرا في جلابيتها


ودموعها علينا سبقتها


شايفين النيل بيصرخ

مخنوق مالجركن هيفرقع


مفقوع

زيي وزيك


مجروح من العادلي ورجالته


مقتول من امن الدولة


شايفين خريطة الدنيا


مافيهاش وادي ولا دلتا


وبتقولك مصر اتفقعت


راحت مشوار ومش راجعة


الحمد لله اني بحلم مش صاحي


وسلملي علي الدنيا الواسعة





اسلام العدل

 
posted by islam eladl at 1:07 AM | Permalink |


6 Comments:


  • At August 19, 2007 at 11:41 AM, Blogger عطاالله النديم

    فكرة حلوة يا اسلام .. بس نسيت حاجة مهمة جدا .. ان مصر من الاشخاص الخطرين الممنوعين من السفر تمهيدا لتقليبهم و اعتقالهم .. وللا ايه ؟؟

     
  • At August 20, 2007 at 1:30 PM, Blogger جمعاوى روش طحن

    أتحفنى الشعر بصراحة

     
  • At August 22, 2007 at 12:09 AM, Blogger bedo

    ايه يابني الكلام ده
    بصراحة كتاباتك حلوة وخصوصا الكلام اللي بعد الخريطة

    أفكارك حلوة والله

    وإحساس من القلب
    ربنا يجعله في ميزان حسناتك إن شاء الله

    وجزاكم الله خيرا

     
  • At August 22, 2007 at 1:18 AM, Blogger alqassam

    السلام عليكم

    اولا مفيش حاجة نقولها غير حسبنا الله ونعم الوكيل

    ومهما وصلو من مرحلة فجور وظلم
    فدولة الظلم والافساد ساعة ودولة الحق الى قيام الساعة

    القسام

     
  • At August 22, 2007 at 4:55 AM, Blogger mohammed alsha3r

    السلام عليكم

    ماشاء الله بوست موفق

     
  • At August 28, 2007 at 2:31 AM, Blogger dr3ashakt alaksa

    صدقا ما قولت فلسان الحال يجعلنا نرثى حالنا .لكنها ستظل مصر التى عشقنا ترابها وعلماءها ستظل مصر مناره باحفاد حسن البنا وبورثه خير نبى.ولن نتركها مهما سجنونا او اعتقلونا لان حب الاوطان من الايمان.
    اما الشعر فهو رااااااااااائع جدااااااااااااا