Saturday, April 7, 2007
جمال مبارك هيعتزل

جمال مبارك قرر الانسحاب

دماغكم مترحش بعيد مش جمال بتاعنا جمال بتاعنا معاكم حتي اخر نفس في صدوركم او صدره
جمال مبارك الي اعتزل هو لاعب فريق القادسيه الكويتي واختار النادي الاهلي يلعب معاه هلي سيقصي الاهلي الفريق هزيمه ولا هيكون متعاطف مع جمال مبارك

جمال هيتأهل وجمال هيعتزل وجمال هيتولد دنيا مفياهش غير جمال مبارك صحيح

تري هل لو قرر جمال مبارك الاعتزال هيلعب مباره للاعتزال من الحزب الوطني امام المعارضه
تعالوا نتخيل الفريقين

فريق الحزب الوطني
1- صفوت الشريف
2- احمد فتحي سرور
3- احمد عز
4- مفيد شهاب
5- جمال مبارك
6- يوسف بطرس غالي
7- احمد نظيف
8- محمد منصور
9- امال عثمان
10- يوسف والي
11- احمد عمر هاشم

وتشكيل فريق المعارضه

1- خيرت الشاطر
2- حسن مالك
3- عصام العريان
4- محمود اباظه
5- منير فخري عبد النور
6- جورج اسحاق
7- المهدي عاكف
8- ايمن عبد الغني
9- ابراهيم عيسي
10- عصمت السادات
11- ايمن نور

يا جماعه 79مليون مواطن في المدرجات الاستاد مليان علي اخره

ايه الي انا شايفه ده الي بيحصل ده جمال مبارك كابتن فريق الحزب الوطني نزل الملعب وبيطرد الحكام المعينين من القضاء وجايب مكانهم موظفين عايزهم يحكموا الماتش
يا جماعه الرياضه ادب مش رمي ازاز المدرجات ولعت والحكام عاملين اعتصام في الملعب والشعب شايط
والفرقتين في الملعب والكوره مغزوله من اعصاب الجماهير

تخيلوا الماتش معانا واتمنالك مشاهده ممتعه

ابكوا معنا في باقي مباريات دوري الكبير
معتز
7\4\2007
 
posted by معتزعادل at 2:53 AM | Permalink |


0 Comments: