حسيت اني عايز اكتب واوجه كام رساله كده علي الماشي قلت يلا مش هحرمكم من حاجه بس يا رب كل واحد توصله رسالته
هو فين الصديق ؟؟
ليه ديما كل الي بيوعدونا يبقوا جنبنا مش بيوفوا بوعدهم ؟
طيب ليه الي بيوعدنا بصداقه عمرها ما بتكمل
ليه في وسط الناس بقيت بحس اني غريب لا صاحب ولا حبيب مش عارف ايه الي جري مش عارف ايه الي بيحصل ... نفس السؤال علي لساني ( هو في ايه ؟؟) ( طيب انا مزعلكم في حاجه ؟؟) الرد يبقي غريب مش بيشفي الي جوايا ( انت شايف انك عملت حاجه تزعل ) طيب هو انا لو شايف اني عملت حاجه تزعل كنت هسأل ليه او ههتم ليه سؤال بيبين استغرابي المواقف
طيب فين الحبيب ؟
لما الصديق خد جنب مني وبقيت لوحدي بشكي همي لنفسي وبشكي نفسي لنفسي دورت علي ذكري الحبيب
يمكن يحن في يوم لي مش هو الي قال طمني عليك وعلي اخبارك متخلنيش اسئل حد عليك
عملت بنصيحتك وقلت يمكن بتحني او هتحني او يمكن ويمكن ويمكن
بس مش عارف ليه بشوفك الوقتي من بعد تجاهلك لي يمكن بتوهم او او بس الوقائع بتقول كده يا الي انت كل حياتي انك قررتي تخرجي من حياتي
مش عارف ليه بحسك بعد كل الاحساس الي كنت حاسه انك عايزاني اني كنت بتوهم كل ده
شايف بتمسحي كل ذكري كويسه زي الي ماسك ورده بلدي جميله منديه وبيحرقها ورقه ورقه بيتفرج ويبتسم فاكر انوا بيريح بس الدموع الي تنزل من عيني انا بتطفي كل نار قايده بس يا تري هتنطفي
طيب بلاش كل ده قوليلي هو انا كنت عملت ايه ؟ وليه يحصل كل ده
حاولت اسئلك بس ملقتش الجواب
مجرد كلام يصبرني يديني امل يحسسني ان في بكره بس يا تري كنت تقصدي تديني الامل ولا مجرد بتصبريني ؟
مستني منك اعرف ليه واخره الي انا فيه ده ايه يا تري انت فيه ولا زي ما الكل بيقول ... وانا الي وحدي مش شايف
طيب فين الي كنت بشكيلهم همي ؟؟؟
وناس مع الوقت قربت منهم وبقيت بفضفض معاهم لما لقيت نفسي لوحدي واحده واحده بيبعدوا واحده واحده بسمع اعذار واهيه
الي مش فاضي والي والي والي بيدخل وببقي شايفه موجود اون لاين ويقولي اصل معنتش بدخل كتير ومشغوليات الدنيا
هو العيب في انا
هو المشكله في انا
قعدت افكر طيب هو البعد عنهم كلهم هو الحل ولا اعمل ايه انا مش عايز حبيب جديد ولا صديق جديد انا عايز الي كنت معاهم وبس هو انا ابقي كده طماع ؟؟
يمكن طماع او يمكن الي يقولي انت مش مؤمن بالقدر
وهاجي واحد تاني يقولي ربنا كاتبلك الاحسن
مش مختلف بس هو ليه كل ده بيحصل من غير سبب يعني هو ربنا هيكتبلي الاحسن مفيش شك بس ليه كل ده بينتهي من غير سبب هو مش من حقي اعرف كل ده بيحصل ليه
قعدت كتير قدام الكلام ده افكر ببص في الساعه لقيتني المفروض اسافر وبقالي اكتر من 3 ساعات قدام النص ده بفكر وموصلتش لاي نتيجه او أي جواب واظاهر ......... مفيش فائده
معتز عادل
إن كانت دنياك التي من حولك قد تغيرت و تبدلت
فأقم بخارجها و إنظر إليها .... أهذا بفعل يديك .. أم هكذا هي الدنيا ؟؟!!
و على أي حال ... من لم يقبل شخصك .. فلم يكن من البداية لك
ختاما ً ...
الدنيا لن تتوقف عند خسران صديق ِ أم حبيب ِ أم حامل هم ... و لكنها ستتوقف عند فقداننا أنفسنا التي في أجسادنا